მსახიობი ნატალი პორტმანი და მისი საქმრო, მოცეკვავე ბენჟამინ მაილიპაიდი "ოსკარის" 84 -ე ცერემონიაზე ერთად მივიდნენ. ორივეს საქორწილო ბეჭდები ეკეთა.
"ოსკარის" ცერემონიაზე ნატალის თითს ბრილიანტის ბეჭედი ამშვენებდა. ამ ბეჭდებმა დააეჭვა მედია, რომ წყვილმა საიდუმლოდ იქორწინა და პაპარაცებს მათი ქორწილის ფოტოებიც გამოეპარათ.
წყვილს ნიშნობა 2010 წლის დეკემბერში ქონდა. მაშინ ნატალიმ განაცხადა, რომ მისთვის ყველაზე მნიშვნელოვანი ცერემონია საიდუმლოდ ჩატარდა.
მათ ერთმანეთი ფილმ "შავი გედის" გადაღებაზე გაიცნეს.
Twitter-ში მიკრობლოგი გაჩნდა, რომელსაც მსახიობი, ანჯელინა ჯოლის მარჯვენა ფეხის სახელით მართავენ.
ჰოლივუდის ვარსკვლავის ფეხი ”ტვიტერში” მას შემდეგ დაარეგისტრირეს, რაც მსახიობი "ოსკარის" გადაცემის ცერემონიაზე წითელ ხალიჩაზე გამოჩნდა.
საქმე ის არის, რომ ფოტოგრაფების წინაშე პოზირებისას, საღამოს გრძელ, შავ კაბაში გამოწყობილმა ჯოლიმ მარჯვენა ფეხი კაბიდან ყველას დასანახად ”გამოყო”. ასეთ მდგომარეობაში მსახიობი არა მხოლოდ წითელ ხალიჩაზე, არამედ ცერემონიის დროს სცენაზეც იდგა.
ტვიტერში @AngiesRightLeg-ზე განსაკუთრებული ჩანაწერები არ არის. უბრალოდ, ფეხი ითხოვს, ყურადღება მიაქციონ და არასოდეს დაივიწყონ. ანჯელინა ჯოლის ფეხის მიკრობლოგი 10 000-ზე მეტმა ადამიანმა გამოიწერა.
ანჯელინა ჯოლის ფეხი ერთადერთი სხეულის ნაწილი არაა, რომლის სახელობის ტვიტერი გახსნეს, ცერემონიის შემდეგ ჯენიფერ ლოპესის მკერდის მიკრობლოგიც გაჩნდა.
"ოსკარების" გადაცემის ცერემონია 27 თებერვალს გაიმართა. ღონისძიების ტრიუმფატორი ფილმი "არტისტი" გახდა, რომელმაც "ოსკარის" ხუთი ქანდაკება მოიპოვა.
|