ახლა ცნობილი ტანდემი ისევ ბრუნდება. დენი და არნოლდი მონაწილეობას ფილმ "ტყუპების" გაგრძელებაში მიიღებენ. 

თუმცა, ამჯერად ფილმი ორი განსხვავებული ძმის ნაცვლად, სამზე მოგვითხრობს. ტყუპები, კიდევ ერთ ძმას იპოვიან, რომლის როლს ცნობილი კომიკოსი ედი მერფი შეასრულებს. 

ფილმის პირველ ნაწილში შვარცენეგერი, რომელიც ახლა 64 წლისაა, ჯულიუს ბენედიქტის როლს ასრულებს, რომელიც თავის ტყუპი ძმის საძებნელად მიდის. ტყუპი მისგან განსხვავებით, დაბალი და სუსტი აღმოჩნდება. ვინსენტის როლს სწორედ დენი დევიტო ასრულებს. 

ახალ ნაწილში მათი კიდევ ერთი ძმა გამოჩნდება, რომელიც არც მაღალი და დაკუნთულია, არც დაბალი და სუსტი, ის უბრალოდ ფერადკანიანია. 

ახალი პროექტის შექმნაში პირველი ნაწილის რეჟისორი, ივან რეითმენიც მიიღებს მონაწილეობას, თუმცა ამჯერად პროდუსერის როლში. ამჯერად შემოქმედებითი ჯგუფი შესაბამის რეჟისორს და სცენარისტს ეძებს. სწორედ ამის მერე დაიწყება "ტყუპების" ახალი ნაწილის გადაღება.