აუქციონის ორგანიზატორების თქმით, დედოფალს 1790 წლის 14 ივლისს, ბასტილიის აღების პირველ წლისთავზე სწორედ ეს ფეხსაცმელი ეცვა. იმ დღეს მარია ანტუანეტას თეთრი კაბა ემოსა და ფერადლენტიანი ქუდი ეხურა. 

დედოფლის ბედი საკმაოდ ტრაგიკულად წარიმართა. მისი მეუღლის, ლუდოვიკ XVI მმართველობის დროს მეფის მფლანგველობის და მარია ანტუანეტას დაუდევრობის შესახებ ლეგენდები დადიოდა. იგი ქმრის არაერთ ღალატსა და სამეფო ხაზინის განიავებაში დაადანაშაულეს. 

1992 წლის აგვისტოში სამეფო ოჯახი დააპატიმრეს. მეფე სასამართლოს გადასცეს და 1793 წლის 21 იანვარს სიკვდილით დასაჯეს. მარია ანტუანეტა რამდენიმე თვის განმავლობაში ციხეში იჯდა. 

სასამართლო პროცესზე პროკურორმა მარია ანტუანეტა სახელმწიფოს ღალატში და მის წინააღმდეგ შეთქმულებაში დაადანაშაულა. ის სიკვდილით პარიზში, 1793 წლის 16 ოქტომბერს დასაჯეს.