Victoria’ s Secret-ის ახალი კოლექცია ორმა მოდელმა, მირანდა კერიმ და კენდის სვეინპოლმა წარმოადგინეს.
კოლექცია ფერადოვანია და სხვადასხვა სახის აქსესუარებით არის შემკული, რომელიც ქალის სხეულს სრულყოფილებას სძენს. ფოტოსესია სასტუმრო Thompson-ის საცურაო აუზზე მიმდინარეობდა.
როგორც წესი, ავსტრალიელი მირანდა ბიკინში თავს უფრო კომფორტულად გრძნობს, მაგრამ ამ შემთხვევაში, ის "მოკრძალებულია". მოდელს ნაქარგი, თეთრი კაბა აცვია.
Victoria’ s Secret-ის კიდევ ერთი მოდელი კენდის სვეინპოლიც თეთრი ნაქსოვი კაბით იწონებდა თავს.
ვიდრე მირანდა ახალ კოლექციას წარადგენდა, მისი მეუღლე, მსახიობი ორლანდო ბლუმი პატარა ფლინზე ზრუნავდა. პაპარაცებმა ვარსკვლავი მაშინ გადაიღეს, როდესაც მას ფლინი გულში აქვს ჩახუტებული და მანქანაში სვამს. ორლანდო სპორტდარბაზში მიდიოდა და ბავშვი ძიძას დაუტოვა.
|