Lady Gaga პირველ სუნამოს უშვებს
პოპ მონსტრმა პირველი სუნამო გამოუშვა, სახელწოდებით ”FAME”. სარეკლამო კამპანიისთვის ფოტოებს ცნობილი ფოტოგრაფი Steven Klein-ი გადაიღებს. ინტერნეტში უკვე გამოჩნდა პირველი ბანერი გაგას გამოსახულებით.
უკვე ცნობილია, რომ სუნამოს პრეზენტაცია სექტემბერში შედგება, შესაბამისად მისი შეძენა მომღერლის თაყვანისმცემლებს მსოფლიოს მასშტაბით 2012 წლის სექტემბრიდან შეეძლებათ. მანამდე კი ”FAME”-ის არომატს აგვისტოში, იაპონელი და ამერიკელი ფანები შეიგრძნობენ.
ვრცელდებოდა ხმები, რომ სუნამოს სპერმისა და სისხლის სუნი უნდა ჰქონოდა, თუმცა ეს ყველაფერი ჭორი აღმოჩნდა და როგორც მომღერლის Twitter-ის პერსონალური გვერდიდან შევიტყვეთ ”FAME”-ის შემადგენლობაში ყავვილები და ხილის არომატი ჭარბობს.
რაც შეეხება პირველ სარეკლამო ბანერს, მასზე გაგა სრულიად შიშველია გამოსახული. სახეზე შავი ნიღაბი უკეთია, ხელში კი რა თქმა უნდა სუნამო ”FAME” უჭირავს.
ანჯელინა ჯოლი რიანას წინააღმდეგ
რიანა ხშირად ხვდება პრესის ყურადღების ცენტრში, ამჯერად ეს ყველაფერი ცოტა უცნაური ფორმით მოხდა. როგორც ”Star Magazine” იუწყება ანჯელინა ჯოლი ბავშვებს რირის სიმღერების მომენას უკრძალავს.
ამის მიზეზი კი ბარბადოსელი შემსრულებლის ახალი ნამუშევარი ” Birthday Cake” გახდა. როდესაც ჯოლიმ მოისმინა თუ როგორ ღიღინებდნენ მისი პატარები სიმღერის უცენზურო და სექსუალურ ტექსტს, მათ რიანას მოსმენა და მათი სიმღერების გადმოწერა აუკრძალა.
რიანა სიმღერებისა და ვიდეორგოლების უცენზურო შინაარშის გამო არაერთხელ მოყოლილა კრიტიკის ქარ-ცეცხლში. მისი რამდენიმე კლიპი ზოგიერთ ქვეყანაში დაიბლოკა კიდეც. ახლა კი მომღერალს ბოიკოტს ანჯელინა ჯოლი უცხადებს.
რატომ აღარ აქვს ურთიერთობა დემი მურის შვილებს დედასთან?!
შვილებთან პრობლემები აქვს დემი მურს. როგორც პრესა იუწყება მსახიობის შვილები დედის დეპრესიამ დაღალა და მასთან კონტაქტი შეწყვიტეს. ეს ყველაფერი კი ეშტონ კაჩერთან განშორების შემდეგ დაიწყო.
49 წლის მსახიობის შვილების განცხადებით დემი მათ ხშირად ურეკავს და საკუთარ პრობლემებს ახვევს თავს, რის გამოც ისინი ძალიან შეწუხებულები არიან და საკუთარ დედას დროებით მათგან თავის შორს დაჭერა მოსთხოვეს.
თუკი დედასთან ურთიერთობის პრობლემა აქვთ რუმერის, სკაუტისა და ტალულას, ამის საპირისპიროდ ექსმამინაცვალ ეშტონ კაჩერთან არაჩვეულებრივ ურთიერთობას ინარჩუნებენ და ერთმანეთსაც ხშირად ნახულობენ. ეს ყველაფერი კი რა თქმა უნდა დემის წისქვილზე ასხამს წყალს.
ენ ჰეთევეი ბავშვს ელოდება
მსახიობი ენ ჰეთევეი ბავშვს ელოდება. ეს ინფორმაცია საქმროსთან ერთად ჰეთევეიმ საკმაოდ ორიგინალური ფორმით ამცნეს ოჯახსა და ნათესავებს. ისინი ნიუ იორკის ერთ-ერთ რესტორანში შეკრიბეს, რათა ენის პირველი შვილის დაბადება ეცნობებინათ.
ენ ჰეთევეი და მისი საქმრო ადამ შულმანი საკმაოდ დიდი ხანი ხვდებოდნენ ერთმანეთს. მათი ნიშნობა კი გასულ წელს შედგა.
შულმანი სატელევიზიო სფეროში გახლავთ დაკავებული, ასევე მონაწილეობა აქვს მიღებული რამდენიმე ფილმში. რაც შეეხება 29 წლის ჰეთევეის მისი მონაწილეობით ფილმ ”The Dark Knight Rises”-ის პრემიერა მსოფლიო მასშტაბით 16 ივლისს შედგა. ასევე წლის ბოლოს ”Les Misérables”-ის რელიზიც არის დაგეგმილი.
| 
755
852
16
