The Beatles-ის ყოფილი წევრის, პოლ მაკარტნის 34 წლის ვაჟს - ჯეიმსს, ლეგენდარული ჯგუფის დანარჩენი წევრების შვილებთან ერთად The Beatles-ის "ახალი თაობის" ფორმირება სურს.
მაკარტნის იდეა ჯონ ლენონისა და ჯორჯ ჰარისონის ვაჟებმა - შონმა და დანიმ უკვე მოიწონეს, თუმცა რინგო სტარის ვაჟი - დრამერი ზაკი ამ ფაქტთან დაკავშირებით ენთუზიაზმს არ იჩენს.
"როგორც ვიცი, ზაკს ამის სურვილი არა აქვს. შესაძლოა, ახალ კოლექტივში მონაწილეობით ჯეისონი (რინგო სტარის მეორე შვილი) დაინტერესდეს. იმედი მაქვს, წარმატებას მივაღწევთ, ღვთის დახმარებით, ყველაფერი შესაძლებელია ", - განაცხადა ჯეიმს მაკარტნიმ ერთ-ერთი ინტერვიში.
ჯეიმს მაკარტნი მუსიკას და სიმღერებს წერს. იგი მამამისის ორი ალბომის "Flaming Pie"-ისა და "Driving Rain"-ის ჩაწერისას გიტარის პარტიას ასრულებდა. პოლ მაკარტნი ვაჟის ორი ЕР-ალბომის პროდუსერია.
ჯეიმსმა აღიარა, რომ საკუთარმა გვარმა კარიერის დასაწყისში დიდი დახმარება გაუწია. მისთვის პატივია, რომ მამასთან აკავშირებენ, თუმცა სკოლაში სწავლის დროს სურდა, The Beatles-ზე უკეთესი ჯგუფი შეექმნა.
"დარწმუნებული არ ვარ, რომ შევძლებ. სიამოვნებით შევეჯიბრებოდი მათ, მაგრამ ეს იოლი სულაც არ არის", - აცხადებს ჯეიმს მაკარტნი.
ბრიტანული როკ-ჯგუფი The Beatles ლივერპულელმა ოთხეულმა - ჯონ ლენონმა, ჯორჯ ჰარისონმა, პოლ მაკარტნიმ და რინგო სტარმა 1960 წელს დააარსეს. ამჟამად ჯგუფის წევრებიდან ცოცხალი მხოლოდ ორი - პოლ მაკარტნი და რინგო სტარი არიან.
| 
755
852
16
