ანჯელინა ჯოლი და ჯენიფერ ენისტონი ერთმანეთს ყველაფერში, მათ შორის, გარეგნობაში ეჯიბრებიან. ენისტონმა თავის მოვლის რამდენიმე საიდუმლო გაამხილა.
43 წლის ჯენიფერ ენისტონი ახალგაზრდობისა და კანის ელასტიურობის შესანარჩუნებლად ლაზერულ თერაპიას მიმართავს. ამის შესახებ მსახიობმა კონან ობრაიანის ტელეშოუში განაცხადა.
მსახიობმა აღნიშნა, რომ დიეტასა და სპორტულ ცხოვრებას ერთმანეთს უთავსებს და გატაცებულია იოგათი.
"ბევრს დავრბივარ, - ამბობს ჯენიფერი, - გარდა ამისა, იოგას სავარჯიშოებს ვაკეთებ და სწორად ვიკვებები. სხვათა შორის, ახლაც იმავე საპონს ვხმარობ, რასაც თინეიჯერობის ასაკში ვიყენებდი".
თუმცა მსახიობი რეგულარულად დადის კოსმეტიკურ ქირურგთან, რათა ლაზერული თერაპიის მეშვეობით, სხვადასხვა ნაკლოვანებები დაფაროს, მაგალითად, პიგმენტური ლაქები.
მსახიობმა ასევე აღნიშნა, რომ ეს საკმაოდ ინტენსიური პროცედურაა და ამ პროცედურის ჩატარების შემდეგ რვა დღის განმავლობაში სახლიდან არ გადის, ვინაიდან სახეზე მშრალი კანის ფენა ექერცლება.
ჯენიფერის მეტოქე ანჯელინა ჯოლი კი კანის მოსავლელად ზუთხის ქვირითისგან დამზადებულ სახის საცხს იყენებს, რომელიც 400 დოლარი ღირს. ფორმის შესანარჩუნებლად მსახიობი რეგულარულად ვარჯიშობს იოგაში.
სახის კანის მოსავლელად და ნაოჭებთან საბრძოლველად ჯოლი ”დრაკულას მეთოდს” იყენებდა. ეს მეთოდი სახის კანის საკუთარი სისხლით გაწმენდას გულისხმობს. მსახიობი მუდმივად იღებს რამდენიმე გარმ საკუთარ სისხლს და სახეზე ნიღაბს იკეთებს. თრომბოციტები უზრუნველყოფენ კანის უჯრედების ხელახალ წარმოქმნას, რაც სახის კანს უფრო ახალგაზრდულს ხდის.
ვარსკვლავებს შორის უკვე 5 წელია დაძაბული ურთიერთობაა, რადგან ბრედ პიტი ენისტონისგან სწორედ ანჯელინასთან წავიდა. ხოლო ანჯელინა პიტისა და ენისტონის თბილ ურთიერთობაზე ხშირად ეჭვიანობს.
|