პოპ-ვარსკვლავ ჯასტინ ბიბერსა და მის შეყვარებულს, მომღერალ სელენა გომესს ამ დღეებში გამართულ ერთ-ერთ მუსიკალური დაჯილდოების შემდეგ, წითელ ხალიჩაზე კვერცხები დაუშინეს.
ეს ჯასტინის ერთ-ერთმა თინეიჯერმა ფანმა ჩაიდინა. სავარაუდოდ, თაყვანისმცემლის ნასროლი კვერცხები სელენასთვის იყო განკუთვნილი, რადგან მოზარდი ყვიროდა: "ხელი გაუშვი ჩვენს ჯასტინს".
საბოლოოდ, ფანის მიერ ნასროლი კვერცხები თავად ბიბერსაც მოხვდა. მოგვიანებით ჯასტინსა და სელენას სამოსის კარგად გაწმენდვა მოუხდათ.
ჯასტინ ბიბერის გულშემატკივარი გოგონების უმრავლესობა ხშირად აგრესიულად იქცევა, როდესაც მომღერალს შეყვარებულთან, სელენასთან ერთად ხედავს. წყვილს სეირნობას და ვახშმობასაც კი არ აცდიან, რასაც 18 წლის ჯასტინი წყობიდან გამოყავს. ერთხელ ვარსკვლავი იმდენად გააღიზიანა პაპარაცმა, რომ ფეხსაცმელიც ესროლა.
თინეიჯერმა მომღერალმა უკვე რამდენჯერმე მოუწოდა საკუთარ თაყვანისმცემლებს მეტი გონიერება გამოიჩინონ, თუმცა, როგორც ჩანს, მომღერლის ამ სიტყვებს ყურადღებას არავინ აქცევს.
755
852
16
