ჰოლივუდის ვარსკვლავი, შერონ სტოუნი თავისუფალ დროს იტალიურ რესტორანში მიმტანად მუშაობს. მსახიობი შვილებთან ერთად რესტორან Il Corallo-ში იმ დროს შენიშნეს, როცა წინსაფარსა და მზარეულის ჩაჩში გამოწყობილი დაწესებულების კლიენტებს პიცით უმასპინძლდებოდა. 
როგორც აღმოჩნდა, რომში დასასვენებლად ჩასული კინოვარსკვლავი რესტორანში პიცის მომზადების ხელოვნებას ეუფლება. მსახიობის განცხადებით, გადატვირთული დღის რეჟიმის გამო კულინარიული საქმიანობის შესასწავლად დრო არ რჩება, ამიტომ იტალიური პიცის მომზადების შესწავლა რომში არდადეგებს შეუთავსა. 
პაპარაცებმა მსახიობი იმ დროს გადაიღეს, როცა დასასვენებლად ჩამომჯდარი ღვინოს წრუპავდა. ფოტოზე აღბეჭდილია, რომ შერონმა ბიჭუნას ღვინის ბოკალი ახლოს მიუტანა და სავარაუდოდ, მისი სურნელი გაასინჯა. 
შერონ სტოუნმა არაერთხელ განაცხადა, რომ შვილებს მის ცხოვრებაში მთავარი ადგილი უჭირავთ.
"ძალიან მიხარია, რომ ვაჟების დედა ვარ, რადგან ბავშვობაში "ქალაბიჭა" ვიყავი. ძალიან მინდა, ჩემი შვილები ჯენლტმენებად აღვზარდო", - აცხადებს მსახიობი.

WeTeen.My1.Ru